Trajnimi i ushtarëve ukrainas me armët perëndimore në territorin e Gjermanisë, sipas ligjit ndërkombëtar, mund të trajtohet si pjesëmarrje në luftë, ka ardhur në përfundim Këshilli Shkencor i Bundestagut.

“Ekziston një konsensus shkencor se dorëzimi i armëve nuk është një akt i hyrjes në luftë. Por kur dorëzimi i armëve lidhet me stërvitjen për dërgimin e armëve, mund të flasim për largim nga sfera e mospjesëmarrjes në luftë”, thuhet në raportin e Këshillit, transmeton portal arbresh.info

Sipas raportit, statusi juridik i “mospjesëmarrjes në luftë” ka zëvendësuar nocionin e “neutralitetit tradicional” në të drejtën ndërkombëtare në vitet e fundit, kryesisht për të ofruar ndihmë për vendet e prekura nga agresioni i huaj, siç është aktualisht me Ukrainën.

Një raport eksperti me titull “Çështjet ligjore të ndihmës ushtarake të anëtarëve të NATO-s për Ukrainën midis neutralitetit dhe pjesëmarrjes në konflikt” u përpilua në mars përpara vendimit të Bundestagut për dorëzimin e armëve të rënda në Ukrainë.

Këshilli Shkencor i Bundestagut përbëhet nga shkencëtarë të fushave të ndryshme që ndihmojnë Bundestagun për të zgjidhur çështje komplekse./arbresh.info/